Payaam Le Ke Jo Aayi Sabaa Madine Se


Naat By Huzoor Mufti-E-Azam Hind Maulana Mustafa Raza Khan Al-Qaderi (Rahmatullahi Alaih)

Payaam Le Ke Jo Aayi Sabaa Madine Se
Marize Ishq Ki Laayi Dawaa Madine Se

Suno To Ghaur Se Aayi Sadaa Madine Se
Qareen He Rahmat-O-Fadhle Khuda Madine Se

Mille Hamaare Bhi Dil Ko Jilaa Madine Se
Ke Mahr-O-Maah Ne Paayi Zia Madine Se

Jo Aaya Le Ke Gayaa Kaun Louta Khaali Haath
Bataade Koyi Sunaa Ho Jo 'Laa' Madine Se

Woh Aagayaa Khuld Me Jo Aa Gayaa Madine Me
Gayaa Wo Khuld Se Jo Chal Diyaa Madine Se

Madina Chasma-E-Aabe Hayaat He Yaaro
Chalo Hamesha Ki Le Lo Baqaa Madine Se

Chale Jo Tayba Se Muslim To Khuld Me Pohonche
Ke Seedhaa Khuld Ka He Raasta Madine Se

Tumhaare Qadmo Pe Sar Sadqe Jaan Fida Hojaye
Na Laaye Phir Mujhe Mera Khuda Madine Se

Tere Habeeb Ka Pyaara Chaman Kiya Barbaad
Ilaahi Nikle Ye Najdi Balaa Madine Se

Tere Naseeb Ka Noori Milega Tujh Ko Bhi
Le Aa?E Hissa Ye Shaaho Gadaa Madine Se



comments powered by Disqus