Sarwar Kahoon Ke Maalik-O-Mawla Kahoon Tujhe


shair

Naat By Sayyiduna A’la Hadrat Imam Ahmed Raza Khan Al-Qaderi (Rahmatullahi Alaih)

Sarwar Kahoon Ke Maalik-O-Mawlaa Kahoon Tujhe
Baaghe Khaleel Kaa Gul-e-Zaybaa Kahoon Tujhe

Hirmaan Naseeb Hoon Tujhe Ummeed Gah Kahoon
Jaane Muraado Kaane Tamanna Kahoon Tujhe

Gulzaar-e-Quds Ka Gul-e-Rangeen Adaa Kahoon
Darmaan-e-Dard-e-Bulbule-Shaydaa Kahoon Tujhe

Subhe Watan Pe Shaam-e-Ghareeban Ko Doon Sharaf
Bekas Nawaaz Gesu-On Waalaa Kahoon Tujhe

Allah Re! Tere Jisme Munawwar Ki Taabishen
Ay Jaan-e-Jaan Main Jaane Tajalli Kahoon Tujhe!

Mujrim Hoon Apne Afwo Ka Saamaan Karoon Shahaa,
Yaanee Shafee Rooz-e-Jazaa Ka Kahoon Tujhe!

Is Murdah Dil Ko Murshda Hayaat-e-Abad Ka Doon
Taab-O-Tawaan-e-Jaan-e-Maseeha Kahoon Tujhe

Tere To Wasf Ayb-e-Tanaahee Se Hain Baree
Hayraan Hoon Mere Shaah Main Kya Kya Kahoon Tujhe

K`Eh Legi Sab Kuch Unke Sanaa Khwaan Ki Khaamashee
Chup Ho Rahaa He Keh Ke Main Kya Kya Kahoon Tujhe

Lekin Raza Ne Khatm-e-Sukhan Oos Pe Kardiya
Khaaliq Ka Banda Khalq Ka Aaqaa Kahoon Tujhe!



comments powered by Disqus