Aaj Ashk Meri Naat Sonaae To Ajab Kya


Naat By Janab Adeeb Riapuri

Aaj Ashk Mere Naat Soonaa’E To Ajab Kya
Sun Kar Woh Mujhe Paas Bulaa’E To Ajab Kya

Deedar Ke Qaabil To Kaha Meri Nazar He
Lekin Woh Kabhi Khwaab Me Aaye To Ajab Kya

Un Par To Ghunahagaar Ka Sub Haal Khula He
Us Par Bhi Who Daaman Me Choepaa’E To Ajab Kya

Haasil Jinhi Aqaa Ki Ghulaami Ka Sharaf He
Tokar Se Woh Moordo Ko Jala’E To Ajab Kya

Muh Dhan Ke Rakna Ke Ghunahagaar Bohot Ho
Mayyit Ko Meri Dekhne Aye To Ajab Kya

Na Zaade Safar He Na Koyee Kaam Bhale He
Lekin Mujhe Sarkaar Bulaa’E To Ajab Kya

Woh Husne Do Alam He Adeeb Un Ka Karam He
Sehra Bhi Ghir Phool Khilaa’E To Ajab Kya